2023 жылғы 15 қыркүйек күні Жітіқара ауданы білім бөлімінің “Қарлығаш” балабақшасының мектепке даярлық тобы тәрбиеленушілері Естай Есжанов атындағы №9 жалпы білім беретін мектебіне экскурсиялық саяхатпен барды. Экскурсия барысында тәрбиеленушілер мектеп мұражайымен, бастауыш сынып мұғалімдерімен, демалыс бұрышымен таныс болды. Балабақша тәрбиеленушілері өзін оқушы сезініп, мектеп партасына да отырып көрді.
Балабақша әдіскері Г.М. Кусаева және мектеп директорының оқу-тәрбие ісінің орынбасары С.Ж. Қайырбек балабақша мен мектеп арасындағы сабақтастық жоспарын талқылап, алдағы уақытқа бірқатар іс-шараларға келісім жүргізді. Алдағы уақытта екі ұйым арасындағы іс-шараларға белсене қатысуға ата-аналар мен тәрбиеленушілерді, оқушыларды шақырамыз!